Kikkut

Nukâka Coster-Waldau: Kalaallit Nunaata avannaarpasissuani qeqertami Uummannami alliartorpoq. 20-nik ukioqarluni Danmarkiliarpoq angorusutani isiginnaartitsisunngorusunneq anguniarusullugu. Kalaallinit siulliulluni Statens Teaterskolemi ( Den Danske Scenekunstskole) isiginnaartitsisartutut soraarummeerpoq tassanngalu filmiliani, TV-mi isiginnaartitsivinnilu ilinniakkani atorlugu sulinini aallartippaa. Nukâkap isiginnaartitsisartutut ilaatigut nalilerneqarneri makkuupput: “tiguartinnartumik akuulersitsisutut”, “piviusorpalaavinnermigut uissuuminartumik eqqarsalersitsisutut”.
Tassami isiginnaartitsisunngorusunneq Nukâkap angorusutarisimavaa, nipilersornerli taannaajuarsimavoq pingaartillugu aallukkusutaa. Erininarsinngitsorlumi filmini, piviusulersaarutini isiginnaartitsisarfinnilu nipini, erinniani taallianilu assigiinngitsutigut ilisimaneqaatigilerpai.
Piffissap ingerlanerani eqqumiitsuliortutut saqqummertarpoq pisimasuni ussarnneqarfigerusunneqsrtuni Danmarkimi, Kalaallit Nunaanni nunanilu allani.
Suleqatigisarsimasaasa ilagai isiginaartitsisutini ilitsersuisartut ilisimaneqarluartut soorlu Jo Strømgren aamma Christorph Marthaler.

Karina Møller: Kalaallit Nunaanni inunngorpoq illoqarfiisalu pingaarnersaanni Nuummi peroriartorluni. Kingorna Los Angelesomut nuuppoq Musicians Institutemi erinarsornermik ilinniarumalluni. Ilinniarnini naammassereerlugu nunarsuaq angallavigaa kisimiilluni erinarsortarluni, isiginnaartitsisartutut, qitittartunik ilitsersuisutut, qitittartutut aammalu nunap inoqqqaavisa akornanni nipilersoqatigiit ilisimaneqarnerpaat ilaanni Alaskameersuni Pamyuani erinarsortutut. Festivalini saqqummertarfinnilu pingaartinneqartuni saqqummertarsimavoq Chilemit Canadap avannarpiaanut Danmarkimit Kinamut.
Karina Pamyua peqatigalugit arlalissuarnik nersornaatisisimapput soorlu makkuninnga: Record of the Year aamma Native American Music Awards. 2013–Imi Karina Danmarkimut nunasivoq kisermaatullu saqqummersippaa nuuteeraq Simplify, nipilersoqatigiinnut assigiinngitsunut peqataasalerpoq soorlu aamma nipilersornertalinnik isiginnaagassiani peqataasimalluni.

HH Suersaq: (Hans Henrik Suersaq Poulsen) kalaallit inuusuttut eqqumiitsuliortut soqutiginaateqarluartut ilaat Qeqertarsuarmeersuuvoq, qeqertarujussuup Qeqertarsuup illoqarfittatuaanit. Erinarsullaqqingaarnermi isiginnaartitsillaqqissutsimilu saniatigut HH Suersaq torlussullaqqissuuvoq. Kalallit Nunaanni Isiginnaartitsisartunngorniat Ilinniarfianni 2014-imi ilinniarnini naammassivaa tassanngalu Kalaallit Nunaanni eqqumiitsuliortut atorumaneqarnerpaat akornanniilerpoq.
Eqqumiitsuliortutut tamatigoortuuvoq -erinarsortartutut, isiginnaartitsisartutut agiartartutullu. Piginnaasani tamakku Kalaallit Nunaanni Amerikamilu Avannarlermi angallattarsimavai. Nunap Inoqqaavisa naapittarnerini ikinngitsuni eqqumiitsuliortutut saqqummertarsimavoq aamma torlussortartutut ilisimaneqartoq Tanya Tagaq peqatigalugu.
Canada’s Aboriginal of the Year nersornaatisiarisimavaa aammalu torlussortartutut ilisimaneqartut allat soorlu Tiffany Ayalik aamma Sylvia Cloutier Inuit Nunaanni makkunaneersut Nunavut, NWT aamma Nunavik peqatigalugit saqqummertarsimavoq.

Ilanguaq Lumholdt: erinarsortartoq, taalliortoq. Aammami nipilersortartuunerata sumi tamani ilisarisimaneqartippaa. Aallartippoq nipilersoqatigiit The Benefitsikkunni erinarsortuattut. Nipilersoqatigiit taakku USA-mi nipilersukkanik saqqummiussisarfimmik isumaqatigiissuteqarpuq. Appittussanut ‘kissassaasarsimavoq’ makkununnga: Whitney Houston, Rihanna, Simply Red il il.
Kingusinnerusukkut namminiulluni ILANG-tut saqqummerpoq. Erinarsoqataasutut makku tusarnaartitseqatihisarsimavai Medina, Rasmus Seebach, Burhan G, KATO, Safri Duo il il.
Taalliortutut erinarsugassiuussimasaasa ilagaat Cee-Lo Green soorlu aamma nipilersoqatigiit K-popit nuimanerusut makku: Super Junior, Exp Shonelu. Tamakku saniatigut DJ-it nunat tamat akornanni ilisimaneqartut oqaasertaliuullugit nipitalersueqataaffigisarsimavai TV-kut aliikkusersuinerni filminilu.

 

Kristoffer Jul Reenberg: Nipilersortartoq, erinniortoq, pisussanik ilusilersuisartoq, nipilersornernik aaqqissuisartoq. Piginnaasarpassuisa sorpassuarnut akuutittarsimavaat.
Ukiut kingulliit 20 ingerlaneranni USA-mi, Canadami, Europami, Amerika Kujallermi Asiamilu pisuni peqataasarsimavoq. Danmarkimi ilisimaneqarluartuni peqataaffippassuaqarsimavoq, soorlu makkunani Niels Hausgaard, Tina Dickinson, Rasmussen Nøhr, Rasmus Lyberth, Hugo Rasmussen, Jane & Shane, Marilyn T. Keller, Pamtua, Gitte Hænning allarpassuillu. Kristoffer aamma Pamyuakkut nersornaatisissutaanni nipilersoqataasimagujoq. Filmilianut, piviusulersaarutinut isiginnaartitsissutinillu nipilersuutitalersuisarsimavoq piginnaanillillu saqqummiunniagaannut ilusilersueqataasarsimavoq.

 

Peter Kibsgaard: tumerparpaartartoq, saqqummiunniakkanut ilusilersuisartoq, taalliortoq, erinarsortartoq aamma ilitsersuisoq. Nipiliuutit atugannaavi tumerparpaat erinnanilu. Sankt Annæ Gymnasiamit 1990 ilinniaarnertuunngorpoq nipilersorneq immikkut sammisarisimallugu. København drengekorimi erinarsortutut Skandinaviami, Europami USA-milu tusarnaartitsiartoqataasarsimavoq. Immikkut ilinniagaqarfigisimavai Changuito Havanami aamma Rune Olesen Københavnimi. Tusarnaartitsinerpassuit peqataaffigisimavai ilaatigullu makku immiusseqatigisarsimallugit: Nødhjælpsorkesteret, Jason Mraz, Aqua, Shubidua, Rasmus Nøhr, Al Agami, Erann DD, Frank Leppard, Musikberiget, Bolværket, Rockers by Choice, Senor Coconut. TV-mi nipilersortunut peqataallattaarsimavoq soorlu Med på Noderne 1-4, Mit Sommerliv, Syng & Gæt, Baren, Tjelle Hjaltellu juullimut tunngatillugu aliikkutassiatsialaat.
Nødhjælpsorkester pilerseqataaffigisimavai -2018 julimi Danmarkimi qimaasut najugaqarfiini Nødhjælosorkester peqatigalugit qimaasut najugaqarfii 14-it tusarnaartitseqataaffugisimavai, nipilersoqatigiit erinniaqarfigalugit appeqatigisimasai: Frank Leppard, Nødhjælosorkester, Bolværket -nuuteeqqat sisamat 20002019- nipilersornermik erinarsoqatigiinnillu ilitsersuisutut Sjælsmarkip qimaasunut inissiaataani.

Immitsinnut nunaqartiternitsigut ungasippallaarnitta tamarmiulluta ataatsimoorsinnaanerput ilaatigut ajornartittarpaa. HHS Kalaallit Nunaanni najugaqarpoq sinneri Danmarkimi. Taamaammat saqqummertarnitsinni kikkut peqataanersut nikerarsinnaavoq. Taamaariarlutali tamarmiulluta appissinnaasarpugut. Kisiat tassa HHS IL-ilu paarlakaattartuupput. Sumi tusarnaartitsissanersugut apeqqutaalluni pattattutta Kristoffip saniatigut tumerparpaaleeisunik bassertunillu allanik appeqateqartarpugut.

Scroll Up